ଜୁନାଗଡ (ବିକ୍ରାନ୍ତ କୁମାର ପଟ୍ଟନାୟକ) : ଜୁନାଗଡ ଆର.ଏମ.ସି କନଫରେନ୍ସ ହଲ ଠାରେ ଜୁନାଗଡ ବ୍ଲକ ର କାର୍ଯ୍ୟରତ ସାମ୍ବାଦିକ ସମୂହ ଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକ ରେ ଜୁନାଗଡ ବ୍ଲକ ର କୋଣାନୁକୋଣ ରୁ ୨୫ ରୁ ଉର୍ଦ୍ଧ ସାମ୍ବାଦିକ ଯୋଗଦାନ କରିଥିଲେ ଏହି ବୈଠକ ରେ ସାମ୍ବାଦିକ ଙ୍କୁ ନେଇ ଏକ ସଙ୍ଘ ଗଠନ ଏବ୍ଂ ସଂଘ ର ଏକ ନାମ ପାଇଁ ଉପସ୍ଥିତ ସମସ୍ତ ସଦସ୍ୟ ପ୍ରସ୍ତାବ ଦେଇଥିଲେ । ଏବ୍ଂ ଏହି ପ୍ରସ୍ତାବ ଅନୁଯାଇ ନୂତନ ସଂଘ ର ନାମ ‘ମିଡିଆ କ୍ଲବ ଜୁନାଗଡ ’ ଭାବେ ଗଠନ ଓ ଉନ୍ମୋଚନ କରାଯାଇଥିଲା। ଏହି ବୈଠକ ରେ ୨୫ ରୁ ଉର୍ଦ୍ଧ ସାମ୍ବାଦିକ ସାମିଲ ହୋଇଥିଲେ। ବୈଠକରେ ସଂଘଠନର ଉପଦେଷ୍ଟା ଭାବେ ପ୍ରଶାନ୍ତ ପଣ୍ଡା,ଦେବେନ୍ଦ୍ର ବିଶି, ଉତ୍ତମ୍ ଦାଶ ଓ ମୁକେଶ ଅଗ୍ରୱାଲ ମନୋନୀତ ହୋଇଥିଲେ । ଏହାପରେ ସଂଘଠନର ପଦାଧିକାରୀ ସର୍ବସମ୍ମତି କ୍ରମେ ଚୟନ କରାଯାଇଥିଲା । ସଭାପତି ଭାବେ ଆଦିତ୍ୟ ପ୍ରସାଦ ମହାନ୍ତି , କାର୍ଯ୍ୟକାରୀ ସଭାପତି ଭାବେ ଦୁର୍ଯ୍ୟୋଧନ ମାଝୀ,ଉପ ସଭାପତି ଭାବେ ପୂର୍ଣ୍ଣ ଚନ୍ଦ୍ର ପାଣିଗ୍ରାହୀ ,ସାଧାରଣ ସମ୍ପାଦକ ଭାବେ ବିଜୟ ଭୁସନ୍ ଦଣ୍ଡସେନା ସହ ସମ୍ପାଦକ ଭାବେ ବାଲେଶ୍ଵର ସୁନାନୀ, କୋଷାଧ୍ୟକ୍ଷ ଭାବେ ସ୍ବାସ୍ତିଦୀପ ଆଦିତ୍ୟ ପ୍ରମୁଖ ଙ୍କୁ ଚୟନ କରାଯାଇଥିଲା । ଏହି ବୈଠକ କୁ ବରିଷ୍ଟ ସାମ୍ବାଦିକ ମୁକେଶ୍ ଅଗ୍ରୱାଲ ପରିଚାଳନା କରିଥିବା ବେଳେ ଦୁର୍ଯ୍ୟୋଧନ ମାଝୀ ଧନ୍ୟବାଦ ଅର୍ପଣ କରିଥିଲେ । ଏହି ବୈଠକ ରେ ବରିଷ୍ଟ ସାମ୍ବାଦିକ ଉତ୍ତମ୍ ଦାଶ ସମସ୍ତ ସଦସ୍ୟ କିପରି ଏକଜୁଟ ହୋଇ ସଂଘ କୁ ମଜବୁତ କରିବା ନେଇ ନିଜ ବକ୍ତବ୍ୟ ରେ ପ୍ରକାଶ କରିଥିବା ବେଳେ ବରିଷ୍ଠ ସାମ୍ବାଦିକ ଦେବେନ୍ଦ୍ର ବିଶି ଏହି ସଂଘ ର ଏକ ଶକ୍ତିଶାଳୀ ସଂଘ ହେବ ବୋଲି ପରିପ୍ରକାଶ କରିଥିଲେ । ଏହି ଅବସରରେ ବରିଷ୍ଟ ସାମ୍ବାଦିକ ପ୍ରଶାନ୍ତ ପଣ୍ଡା ସଂଘଠନର ଆଗାମୀ କାର୍ଯ୍ୟପଦ୍ଧତି ବିଷୟରେ ସମସ୍ତଙ୍କୁ ମାର୍ଗଦର୍ଶନ ଦେଇଥିଲେ। ସଭାରେ ଉପସ୍ଥିତ ସମସ୍ତ ସାମ୍ବାଦିକ ମାନେ ଏହି ସଂଘଠନ ଜୁନାଗଡର ସାମ୍ବାଦିକ ମହଳ ପାଇଁ ଏକ ସୁଦୃଢ଼ ମଞ୍ଚ ଭାବେ ପରିଣତ ହେବ ବୋଲି ଆଶା ବ୍ୟକ୍ତ କରିଥିଲେ।
