ସୁବର୍ଣ୍ଣପୁର: ସୋନପୁର ବ୍ଲକ୍ର ଭୀମଭୋଇ ଉଚ୍ଚ ବିଦ୍ୟାଳୟର ସଂସ୍କୃତ ଶିକ୍ଷକ ଅଜିତ କୁମାର ରଣା, ସେହିପରି ଡୁଙ୍ଗୁରିପାଲି ଉଚ୍ଚ ବିଦ୍ୟାଳୟର ସଂସ୍କୃତ ଶିକ୍ଷିକା ମଞ୍ଜୁଲତା ରଣା ଓ ତାଙ୍କର ସୁକନ୍ୟା ବୈଷବି ରଣା ବିଶ୍ଵ ସଂସ୍କୃତ ସମ୍ମିଳନୀରେ ଯୋଗଦାନ କରିବା ପାଇଁ ତାମିଲନାଡୁର କୋଏମ୍ବଟୁର ଯାଇଛନ୍ତି। ନଭେମ୍ବର ୭, ୮ ଓ ୯ତାରିଖରେ ୩ ଦିନ ଧରି ଆୟୋଜିତ ହୋଇଥିବା ଏହି ବିଶ୍ଵ ସଂସ୍କୃତ ସମ୍ମିଳନୀ ସଂସ୍କୃତ ଭାରତୀ ଦ୍ୱାରା ଅମୃତା ବିଶ୍ଵ ବିଦ୍ୟାଳୟ ପରିସରରେ ଆୟୋଜିତ ହୋଇଛି। ଦେଶ ବିଦେଶରୁ ଅନେକ ସଂସ୍କୃତ ପ୍ରେମୀ ଯୋଗଦାନ କରି ସଂସ୍କୃତ ଭାଷାର ପ୍ରାଚୀନତା ଓ ଗରିମାକୁ ଅନୁଭବ କରୁଛନ୍ତି। ସୁବର୍ଣ୍ଣପୁର ଜିଲ୍ଲାର ଏହି ଦମ୍ପତି ସଂସ୍କୃତ ଶିକ୍ଷକ–ଶିକ୍ଷିକାଙ୍କ ଯୋଗଦାନ ଜିଲ୍ଲାର ପାଇଁ ଗର୍ବର ବିଷୟ ହୋଇଛି। ସଂସ୍କୃତ ଶିକ୍ଷା କ୍ଷେତ୍ରରେ ତାଙ୍କର ଅବଦାନ ଏବଂ ଆନ୍ତର୍ଜାତୀୟ ସ୍ତରରେ ତାଙ୍କର ପ୍ରତିନିଧିତ୍ୱ ସୋନପୁରକୁ ଏକ ନୂତନ ପରିଚୟ ଦେଇଛି।
