ନୂଆପଡା, (ବିରବଲ ପ୍ରଧାନ): ନୂଆପଡ଼ା ଜିଲ୍ଲାର କୋମନା ବ୍ଲକ ଅନ୍ତର୍ଗତ ୧ ନମ୍ବର ଜିଲ୍ଲା ପରିଷଦ ଜୋନରେ ଆଜି ବିଜେଡି ରାଜ୍ୟ ସଭାପତି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆସି ଦଳୀୟ ପ୍ରାର୍ଥୀ ସ୍ନେହାଙ୍ଗିନୀ ଛୁରିଆଙ୍କ ପାଇଁ ଭୋଟ ପ୍ରଚାର କରିଛନ୍ତି। ସଭାରେ ଉଦ୍ବୋଧନ ଦେଇ ସେ କହିଥିଲେ ଯେ, ପିଛଲା ୨୪ ବର୍ଷରେ ନବୀନ ସରକାର ଜନସାଧାରଣଙ୍କ ଉନ୍ନତି ପାଇଁ ଅନେକ ଉଲ୍ଲେଖନୀୟ ଯୋଜନା ଆଣିଛନ୍ତି। ବିରୋଧୀ ଦଳମାନେ କେବଳ ଯୋଜନାର ନାମ ଓ ରଙ୍ଗ ପରିବର୍ତ୍ତନ କରି ବିକାଶର କଥା କହୁଛନ୍ତି ବୋଲି ସେ ଅଭିଯୋଗ କଲେ। ସଭାରେ ଦଳୀୟ ପ୍ରାର୍ଥୀ ସ୍ନେହାଙ୍ଗିନୀ ଛୁରିଆ ମଧ୍ୟ ଜନସାଧାରଣଙ୍କୁ ଆହ୍ୱାନ କରିଥିଲେ ଯେ, ନବୀନ ସରକାରଙ୍କ ଉନ୍ନତି ଓ ସେବା ଯୋଜନାକୁ ଭୋଟ ଦେଇ ସମର୍ଥନ କରନ୍ତୁ। ଏହି ସଭାରେ ବିଜେଡି ଜିଲ୍ଲା ଓ ବ୍ଲକ ସ୍ତରର ଅନେକ ନେତାମାନେ ଯୋଗଦେଇଥିଲେ।
