ସିନାପାଲି ରେ ଏନ ଡି ୟୁ ଜେ ରେ ସାଧାରଣ ବୈଠକ। ନୂଆପଡାରେ ରାଜ୍ୟ କାର୍ଯ୍ଯ କାରିଣୀ ବୈଠକ ନେଇ ଆଲୋଚନା

ଜଳେଶ୍ବର ୦୫।୦୭ (ଜଗନ୍ନାଥ ଗୋଛାୟତ) ଜଳେଶ୍ୱର ବ୍ଲକରେ ନିର୍ମାଣ ଚାଲିଥିବା ବିଭିନ୍ନ ସରକାରୀ ପ୍ରକଳ୍ପ ଗୁଡିକ ବହୁ ନିମ୍ନ ମାନର ବୋଲି ବାରଂବାର ଜଣାପଡିବା ପରେ ମଧ୍ୟ ସରକାରଙ୍କ ପକ୍ଷରୁ କୈଣସୀ କାର୍ଯ୍ୟ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାର ଦେଖିବାକୁ ମିଳୁନାହିଁ । ପ୍ରତ୍ୟେକ ଦିନ ଏହିପରି ଖବର ବିଭିନ୍ନ ଗଣମାଧ୍ୟମ କାଗଜର ପୃଷ୍ଠା ମଣ୍ଡନ କରୁଥିଲେ ମଧ୍ୟ ଫଳ ଶୁନ । ପରବର୍ତୀ ସମୟରେ ପ୍ରକଳ୍ପ ଗୁଡିକ ଅକାମୀ ହୋଇ ସରକାରଙ୍କ କୋଟିକୋଟି ଟଙ୍କାର ରାଜସ୍ୱ ହାନୀ ହେଉଛି ତଥାପି ଅଭିଯୋଗ ହେଉଥିବା ପ୍ରକଳ୍ପ ଉପରେ ତଦନ୍ତ ବା ଠିକାଦାର ମାନଙ୍କ ଉପରେ କୈାଣସୀ ଅଙ୍କୁଶ ଲଗାଯାଉ ନାହିଁ । ଏହି ପରି ଏକ ପ୍ରକଳ୍ପ ଯାହା ଜଳେଶ୍ୱର ବ୍ଲକର ଖୁଦିଆମାଝୀସାହି ଗ୍ରାମ ପଂଚାୟତର ବଳଭଦ୍ରପୁର ଗ୍ରାମରେ ବସୁଧା ଯୋଜନାରେ ଦେଖିବାକୁ ମିଳିଛି । କୋଟିକୋଟି ଟଙ୍କାରେ ନିର୍ମିତ ପାଣି ଟାଙ୍କି ଏକମାସ ତଳେ କାର୍ଯ୍ୟ ସମ୍ପୂର୍ଣ୍ଣ ହୋଇଥିଲା ଯେଉଁଥିରୁ ଏବେ ପାଣି ଝରୁଛି । ଗ୍ରାମବାସୀଙ୍କ ପକ୍ଷରୁ ପୂର୍ବରୁ ବହୁବାର ଅଭିଯୋଗ କରାଯାଇଥିଲେ ମଧ୍ୟ ବିଭାଗୀୟ କର୍ମମର୍ତା କୈାଣସୀ ପଦକ୍ଷେପ ନେଇ ନ ଥିଲେ । ଏବେ ଏହି କାର୍ଯ୍ୟର ତଦନ୍ତ କରିବା ସହିତ କାର୍ଯ୍ୟାନୁଷ୍ଠାନ ପାଇଁ ମୁଖ୍ୟମନ୍ତ୍ରୀ, ମୋ ସରକାର ୫ଟି ସଚିବ, ଜିଲ୍ଲାପାଳ, ବିଭାଗୀୟ ମୁଖ୍ୟଯନ୍ତ୍ରୀ, ଓଡିଶା ପିଆର ବିଭାଗ, ସଚିବ ପ୍ରଦୀପ ଜେନାଙ୍କ ନିକଟରେ ଗ୍ରାମବାସୀଙ୍କ ପକ୍ଷରୁ ଅଭିଯୋଗ କରାଯାଇଥିବା ଜଣାଯାଇଛି ।