ସିନାପାଲି ରେ ଏନ ଡି ୟୁ ଜେ ରେ ସାଧାରଣ ବୈଠକ। ନୂଆପଡାରେ ରାଜ୍ୟ କାର୍ଯ୍ଯ କାରିଣୀ ବୈଠକ ନେଇ ଆଲୋଚନା

ନୂଆପଡ଼ା (ପରମେଶ୍ୱର ମେହେର) ନୂଆପଡ଼ା ଜିଲ୍ଲାର ସିନାପାଲି ସହର ସମେତ ରାଜ୍ୟର ବିଭିନ୍ନ ସହରକୁ ଏନ୍‌ଏସିର ମାନ୍ୟତା ଦିଆଯିବାକୁ ସରକାର ଘୋଷଣା ତତ୍କାଳୀନ କରିଥିଲେ । ମୋହନ ସରକାର ଗଠନର ୩ ମାସ ପରେ ନୂଆ ଏନ୍‌ଏସି ଗଠନ ନେଇ ସରକାରୀ ପ୍ରସ୍ତାବ ନାହିଁ ବୋଲି ମଙ୍ଗଳବାର ବିଧାନସଭାରେ ବିଭାଗୀୟ ମନ୍ତ୍ରୀ ଉତ୍ତର ଦେଇଥିଲେ । ମନ୍ତ୍ରୀଙ୍କ ଏହି ସୂଚନା ପରେ ସିନାପାଲି ସହରବାସୀ ନିରାଶ ହୋଇଛନ୍ତି। ନିର୍ବାଚନ ପୂର୍ବରୁ ତତ୍କାଳୀନ ସରକାର ସିନାପାଲି ସହରକୁ ଏନଏସି ଗଠନ କରାଯିବାକୁ ଘୋଷଣା କରିଥିଲେ । ତେବେ ସହର ସହିତ ମନ୍ତ୍ରୀଙ୍କ ଏହି ମନ୍ତବ୍ୟ ପରେ ସହରବାସୀଙ୍କ ମଧ୍ୟରେ ତୀବ୍ର ପ୍ରତ୍ରିକ୍ରିୟା ପ୍ରକାଶ ପାଇଛି ସହରରେ ଜନସଂଖ୍ୟା ପ୍ରାୟ ୧୮ ହଜାରରୁ ଊର୍ଦ୍ଧ୍ବ ହେବ । ନୂଆପଡା ସିନାପାଲି ସଡ଼କପଥ ଯୋଗାଯୋଗ ରହିଛି । ଏହି ସହର ଭିତ୍ତିଭୂମି, ଜନସଂଖ୍ୟା ଓ ଅନ୍ୟାନ୍ୟ ଆବଶ୍ୟକୀୟ ମାପକାଠି ପୂରଣ କରୁଛି । ସେହି ଦୃଷ୍ଟିରୁ ଦୀର୍ଘବର୍ଷ ଧରି ଲୋକେ ଏନଏସି ପାଇଁ ଦାବି କରିଆସୁଥିଲେ । ନିର୍ବାଚନ ପୂର୍ବରୁ ସିନାପାଲି ସହରକୁ ଏନ୍ଏସି କରାଯିବାକୁ ତତ୍କାଳୀନ ସରକାର ଘୋଷଣା କରିଥିଲେ। ଲୋକେ ଆଶା ରଖିଥିଲେ ଯେ, ନିର୍ବାଚନ ପରେ ଏନ୍ଏସି କାର୍ଯ୍ୟକାରୀ ହେବ । ନୂଆ ସରକାର ଗଠନ ହେବାର ୩ ମାସ ପରେ ସେଭଳି କିଛି ପ୍ରସ୍ତାବ ଏଭଳି ଉତ୍ତର ସହରବାସୀଙ୍କୁ ନିରାଶ କରିଛି । ସିନାପାଲି ସିଟିଜେନ ଫୋରମ ସଭାପତି ଡମ୍ବରୁଧର ମେହେର କହିଛନ୍ତି, ଦୀର୍ଘ ବର୍ଷରୁ ସହରକୁ ଏନଏଏସି ପାଇଁ ଦାବି ହୋଇଆସୁଥ‌ିବା ବେଳେ ନୂତନ ସରକାର କାହିଁକି ଏଭଳି ପଦକ୍ଷେପ ନେଲେ ତାହା କିଛି ଜଣା ପଡୁନାହିଁ । ବର୍ତ୍ତମାନର ବିଜେପି ସରକାର ପୂର୍ବ ଘୋଷଣା ଅନୁଯାୟୀ ସିନାପାଲିକୁ ଏନଏସି ମାନ୍ୟତା ପ୍ରଦାନ କରିବାକୁ ସେ ଦାବି କରିଛନ୍ତି । ସରକାର ଏନେଇ କୌଣସି ପଦକ୍ଷେପ ନନେଲେ ଆଗାମୀ ଦିନରେ ବଡ଼ ଧରଣର ଆନ୍ଦୋଳନ କରାଯିବ ବୋଲି ସେ ଚୋତବନୀ ଦେଇଛନ୍ତି ।