ଦୁଇ ସମ୍ପୂର୍ଣ୍ଣ ଅନାଥ ଶିଶୁଙ୍କୁ ଶିକ୍ଷା ନିମନ୍ତେ ସହାୟତାର ହାତ ବଢ଼େଇଲା ଗୋଣ୍ଡୱାନା ସେବା ସଙ୍ଘ ଓ ଟ୍ରଷ୍ଟ ନୂଆପଡା

ବାଲେଶ୍ବର,(ପ୍ରଭାକର ମଲ୍ଲିକ) ବାଲେଶ୍ବର ଜିଲ୍ଲା ବାଲିଆପାଳ ବ୍ଲକ୍ ଦେଉଳା ପଞ୍ଚାୟତ ଅଧିନସ୍ଥ ରଜ ପଡ଼ିଆ ଠାରେ ମାରାଂବୁରୁ ସାଅଁତା ସୁସାର ସେମଲେଦ୍ କ୍ଲବ୍ ଆନୁକୂଲ୍ୟରେ ରଜ ମହୋତ୍ସବ ଏବଂ ୩୯ତମ ବାର୍ଷିକ ଉତ୍ସବ ଅବସରରେ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ଶନିବାର ହୋଇଯାଇଛି । ଫାଇନାଲ ଖେଳ ବାଲେଶ୍ବର ଦଳ ସହିତ ୱେଷ୍ଟବେଙ୍ଗଲ ମୁର୍ମୁ ଇଲେଭେନ୍ ଷ୍ଟାର ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ୨-୦ ରେ ବାଲେଶ୍ବରକୁ ପରାସ୍ତ କରି ୱେଷ୍ଟବେଙ୍ଗଲ୍ ଇଲେଭେନ୍ ଷ୍ଟାର ଚମ୍ପିଆନ୍ ଆଖ୍ୟା ଅର୍ଜନ କରିଥିଲା । ଉଦଯାପନୀ ମ୍ୟାଚରେ ମୁଖ୍ୟ ଅତିଥି ଭାବେ ରାଜ୍ୟ ବିଜୁ ମହିଳା ଜନତା ଦଳ କାର୍ଯ୍ଯକାରୀ ସଭାପତି ମାଟିର ଝିଅ ଶ୍ରୀମତୀ ସୁବାସିନୀ ଜେନା ଯୋଗଦେଇ ଆଦିବାସୀ ଭାଇଭଉଣୀମାନଙ୍କ ସହ ମାଦଳର ତାଳେ ତାଳେ ନୃତ୍ୟରେ ଝୁମିଥିଲେ । ମୁଖ୍ୟ ଅତିଥି ଶ୍ରୀମତୀ ଜେନା ଫାଇନାଲ ଖେଳକୁ ଶୁଭାରମ୍ଭ କରି ସଭିଙ୍କୁ ଶୁଭେଚ୍ଛା ଓ ଶୁଭକାମନା ଜଣାଇ ଖେଳାଳୀଙ୍କୁ ଉତ୍ସାହିତ କରିଥିଲେ । ଉତ୍ସବରେ କ୍ଲବର ସଭାପତି ଖଗେନ୍ଦ୍ର ମୁର୍ମୁ ସଭାପତିତ୍ବ କରିଥିଲେ । ବିଜେଡି ବ୍ଲକ ସଭାପତି ଗୋବିନ୍ଦ ପ୍ରସାଦ ଦାସ ମଞ୍ଚ ପରିଚାଳନା କରିଥିଲେ । ଅନ୍ୟମାନଙ୍କ ମଧ୍ୟରେ ୨୧ନଂ ଜିଲ୍ଲା ପରିଷଦ ସଦସ୍ୟା କାଞ୍ଚନ ଜେନା, ୨୨ନଂ ଜୋନ୍ ଜିଲ୍ଲା ପରିଷଦ ସଦସ୍ୟ ନିଶାକର ସେଠୀ, ୨୩ନଂ ଜୋନ୍ ର ଜିଲ୍ଲା ପରିଷଦ ସଦସ୍ୟ ବେଣୁଧର ଜେନା,ଯୁବ ନେତା ଶ୍ରୀକାନ୍ତ ନାଥ,ବିଶ୍ବନାଥ ଜେନା,ଅକ୍ଷୟ ସାମଲ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଫୁଟବଲ୍ ଟୁର୍ଣ୍ଣାମେଣ୍ଟର ଚମ୍ପିଆନ୍ ଏବଂ ରନର୍ସଅପ ଦଳକୁ ମୁଖ୍ୟ ଅତିଥି ଶ୍ରୀମତୀ ଜେନା ପୁରସ୍କୃତ କରିଥିଲେ । ଦେଉଳା ମାରାଂବୁରୁ ସାଅଁତା ସୁସାର ସେମଲେଦ୍ କ୍ଲବ୍ ର ସଦସ୍ୟମାନେ ଏହାକୁ ପରିଚାଳନାରେ ସହଯୋଗ କରିଥିଲେ । ରଜ ପର୍ବ ଉପଲକ୍ଷେ ଆୟୋଜିତ ଫୁଟବଲ ଖେଳକୁ ଦେଖିବା ପାଇଁ ବହୁ ଜନ ସମାଗମ ହୋଇଥିଲା।