ଖମତରାଇ ଗ୍ରାମ ରେ ଶ୍ରୀ ଶ୍ରୀ ବୁଢାଦେଓ ଙ୍କ ୧୫ତମ ଗାଦି ଯାତ୍ରା ଉଦଯାପିତ ହୋଇଯାଇଛି

 

କଣ୍ଟାବାଞ୍ଜି,(ଆଜତକ୍ ଓଡ଼ିଶା) : ବଲାଙ୍ଗିର ଜିଲ୍ଲାର ଚର୍ଚ୍ଚିତ ସାହୁ ବ୍ରଦର୍ସଙ୍କ ‘ଏମଡ଼ିଏମ ଟେଣ୍ଡର ଫିକ୍ସିଂ ’ ପ୍ରକ୍ରିୟାରେ ଆପାତତଃ ପୂର୍ଣ୍ଣଚ୍ଛେଦ ପଡ଼ିଛି । କାର୍ଯ୍ୟାନୁଷ୍ଠାନ ସ୍ବରୂପ ପ୍ରଶାସନ ପକ୍ଷରୁ ପ୍ରଥମ ପର୍ଯ୍ୟାୟରେ ଉକ୍ତ ବିବାଦୀୟ ଏମଡ଼ିଏମ ଟେଣ୍ଡରକୁ ବାତିଲ କରିଦିଆଯାଇଛି। କୋଟିଏ ଟଙ୍କାର ବ୍ୟାଙ୍କ ଗ୍ୟାରେଣ୍ଟି ଆଧାରରେ ଯେଉଁ ଠକାମୀ ଚାଲିଥିଲା ତାହା ଶେଷ ହୋଇଛି। ଟେଣ୍ଡର ପେପରର ଟେକ୍ନିକାଲ ଏବଂ ଫାଇନାନ୍ସିଆଲ ବିଡ୍‌ରେ ପୂର୍ବାପେକ୍ଷା ଜମା (ଇଏମଡ଼ି/ ବ୍ୟାଙ୍କ ଗ୍ୟାରେଣ୍ଟି) ହ୍ରାସ କରାଯାଇଛି। ସମଗ୍ର ଜିଲ୍ଲା ପାଇଁ ଗୋଟିଏ ଟେଣ୍ଡର ହେଉଥିଲା ବୋଲି ମନମାନୀ ଚାଲିଥିଲା। ତେଣୁ ତାହାକୁ ଜିଲ୍ଲାର ୩ଟି ଉପଖଣ୍ଡ ଭିଭିରେ ତିନି ଭାଗ କରି ନୂତନ ଟେଣ୍ଡର ଆହ୍ବାନ କରାଯାଇଛି। ଏଥୁରୁ ଜିଲ୍ଲା ଶିକ୍ଷାଧିକାରୀଙ୍କ ମିଛ ଧରାପଡ଼ିବା ପରେ ସେ ଟେଣ୍ଡର ଫିକ୍ସିଂରେ ସାମିଲ ଥିବା ଏକପ୍ରକାର ସ୍ପଷ୍ଟ ହୋଇଛି । କାରଣ ଜିଲ୍ଲା ଶିକ୍ଷାଧିକାରୀ ଏପ୍ରିଲ ମାସରେ ପ୍ରକାଶିତ ଟେଣ୍ଡରରେ ଜଣେ ନିର୍ଦ୍ଦିଷ୍ଟ ଟ୍ରାନ୍ସପୋର୍ଟରଙ୍କୁ ଅନୁକମ୍ପା ଦେଖାଇ ସେଥିରେ ଲାଗୁଥିବା ବ୍ୟାଙ୍କ ଗ୍ୟାରେଣ୍ଟିକୁ କୋଟିଏ ଟଙ୍କା କରିଦେଇଥିଲେ । ଯେଉଁଥିରେ ନିର୍ଦ୍ଦିଷ୍ଟ ଟ୍ରାନ୍ସପୋର୍ଟରଙ୍କ ବ୍ୟତୀତ ଅନ୍ୟମାନେ ସାମିଲ ହୋଇପାରିନଥିଲେ। ପରେ ଏନେଇ ବିଭିନ୍ନ ଗଣମାଧ୍ୟମ ରେ ‘ସାହୁ ବ୍ରଦର୍ସଙ୍କ କାରନାମା’ ଶୀର୍ଷକ ଖବର ପ୍ରକାଶ ପାଇବା ସହ କଣ୍ଟାବାଞ୍ଜିର ଯୁବ ସମାଜ ସେବୀ ରୋହନ କୁମାର ମହତ ହାଇକୋର୍ଟରେ ଜନସ୍ବାର୍ଥ ମାମଲା ଦାୟର କରିଥିଲେ । ଯେଉଁଥିରେ ସ୍କୁଲ ଓ ଗଣଶିକ୍ଷା ବିଭାଗ ପ୍ରମୁଖ ସଚିବ, ଜିଲ୍ଲାପାଳ, ଜିଲ୍ଲା ଶିକ୍ଷାଧିକାରୀ ଏବଂ କଟକସ୍ଥିତ କ୍ରାଇମବ୍ରାଞ୍ଚ ଏସପିଙ୍କୁ ପକ୍ଷ କରାଯାଇଥିଲା। 

ସୂଚନାଯୋଗ୍ୟ ଯେ, ଗତ ଏପ୍ରିଲ ୨୦ ତାରିଖରେ ଜିଲ୍ଲା ଶିକ୍ଷାଧିକାରୀ ଜିଲ୍ଲାର ଏମଡ଼ିଏମ ଟ୍ରାନ୍ସପୋର୍ଟର ଏଜେଣ୍ଟ ପାଇଁ ଟେଣ୍ଡର ଆହ୍ବାନ କରିଥିଲେ। ହେଲେ ଦୀର୍ଘକିଛି ବର୍ଷ ହେଲା ଏହି ଏମଡ଼ିଏମ ଟେଣ୍ଡର ପ୍ରକ୍ରିୟାରେ ଫିକ୍ସିଂ ହୋଇଆସୁଥିଲା । ଏହାସତ୍ତ୍ବେ ବିଭାଗୀୟ ଅଧିକାରୀ କୌଣସି କାର୍ଯ୍ୟାନୁଷ୍ଠାନ ନେଉନଥିଲେ । ଶିକ୍ଷାଧିକାରୀ ପୂର୍ବରୁ ଟେଣ୍ଡର ପାଇଆସୁଥିବା ଏଜେଣ୍ଟଙ୍କୁ ଅନୁକମ୍ପା ଦେଖାଇ ସମ୍ପୂର୍ଣ୍ଣ ଆବେଦନ ପ୍ରକ୍ରିୟାକୁ ହିଁ ବଦଳାଇ ଦେଇଥିଲେ । ଯେଉଁଥିରେ ଉକ୍ତ ଆବେଦନକାରୀଙ୍କ ବ୍ୟତୀତ ଅନ୍ୟ ସମସ୍ତେ ଅଯୋଗ୍ୟ ଘୋଷିତ ହେବେ। ସେଥିପାଇଁ ଟେଣ୍ଡର ପ୍ରକ୍ରିୟାରେ ବ୍ୟାଙ୍କ ଗ୍ୟାରେଣ୍ଟିକୁ ବୃଦ୍ଧି କରି ୧ କୋଟି କରିଦିଆଯାଇଥିଲା । ଯାହା ଏନଏସ୍‌ସି କିମ୍ବା ଟିଡ଼ିଆର ଆକାରରେ ପ୍ରଦାନ କରିବାକୁ କୁହାଯାଇଥିଲା। ହେଲେ ଏହି ଟେଣ୍ଡର ପ୍ରକ୍ରିୟାରେ ଅନ୍ୟ ଜିଲ୍ଲା ଗୁଡ଼ିକରେ ଇଏମଡ଼ି ୩ଲକ୍ଷରୁ ୫ଲକ୍ଷ ମଧ୍ୟରେ ରହିଥିବା ବେଳେ ବ୍ୟାଙ୍କ ଗ୍ୟାରେଣ୍ଟି ସର୍ବାଧିକ ୩୦ଲକ୍ଷ ଟଙ୍କା ରହିଥିଲା । କିନ୍ତୁ ବଲାଙ୍ଗିରରେ ସିଧାସଳଖ ୧ କୋଟି ଟଙ୍କାର ଗ୍ୟାରେଣ୍ଟି ମଗାଯିବା ସମସ୍ତଙ୍କୁ ଚକିତ କରିଥିଲା। ସେହିପରି ଗତ ଦୁଇବର୍ଷ ତଳର ଅର୍ଥାତ ୨୦୧୯-୨୦ ମସିହାରେ ଜିଲ୍ଲାର ଏମଡ଼ିଏମ ଟେଣ୍ଡରରେ ଇଏମଡ଼ି ୫ଲକ୍ଷ ଟଙ୍କା ଦେବାକୁ କୁହାଯିବା ସହ ୪୦ଲକ୍ଷ ଟଙ୍କାର ସୋଲଭେନ୍ସି ସାର୍ଟିଫିକେଟ(ସମ୍ପରି ମୂଲ୍ୟର ପ୍ରମାଣପତ୍ର) ଦେବାକୁ କୁହାଯାଇଥିଲା। ହେଲେ ଦୁଇବର୍ଷ ପରେ ଜିଲ୍ଲା ଶିକ୍ଷା ବିଭାଗ ଏକାଥରକେ ୬୦ଲକ୍ଷ ଟଙ୍କାର ବ୍ୟାଙ୍କ ଗ୍ୟାରେଣ୍ଟି ପରିମାଣ ବୃଦ୍ଧି କରିବା ପଛରେ ଟେଣ୍ଡର ଫିଙ୍ଗି ବାରି ହେଉଥିଲା। ଏନେଇ ବାରମ୍ବାର ଖବର ପ୍ରକାଶ ପାଇବା ଏବଂ ହାଇକୋର୍ଟରେ ମାମଲା ପରେ ତାକୁ ବାତିଲ କରାଯାଇଛି । ବଲାଙ୍ଗିର ଏବଂ ପାଟଣାଗଡ଼ ଉପଖଣ୍ଡର ଟେଣ୍ଡରରେ ଇମଏଡ଼ି ୩ଲକ୍ଷ ଏବଂ ଗ୍ୟାରେଣ୍ଟି ୨୦ଲକ୍ଷ ଥିବାବେଳେ ଟିଟିଲାଗଡ଼ ଉପଖଣ୍ଡର ଟେଣ୍ଡରରେ ଇମଏଡ଼ି ୪ଲକ୍ଷ ଏବଂ ଗ୍ୟାରେଣ୍ଟି ୩୦ଲକ୍ଷ କରାଯାଇଛି। ଏହାଦ୍ୱାରା ଅଧିକ ସଂଖ୍ୟକ ଆବେଦନକାରୀ ଆସିବେ ଏବଂ ଟେଣ୍ଡର ପ୍ରକ୍ରିୟାରେ ପ୍ରତିଯୋଗିତା ହୋଇ ସ୍ଵଚ୍ଛ ବ୍ୟବସ୍ଥା କାର୍ଯ୍ୟକାରୀ ହେବ ବୋଲି ଆଶା ପ୍ରକାଶ ପାଇଛି। ଏନେଇ ଗତ ସେପ୍ଟେମ୍ବର ୬ତାରିଖରେ ଚିଠି ସଂଖ୍ୟା ୩୨୩/ଏମଡ଼ିଏମ କ୍ରମେ ବିଜ୍ଞପ୍ତି ପ୍ରକାଶ ପାଇଛି ଅପରପକ୍ଷେ କେବଳ ଟେଣ୍ଡର ବାତିଲ କରି ପ୍ରଶାସନ ହାତ ଝାଡ଼ିଦେବା ବଦଳରେ ଫିକ୍ସିଂ କରିଥିବା ଅଧିକାରୀ ଏବଂ କିରାଣୀଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି