ନୂଆପଡା ସଦର କ୍ଲଷ୍ଟର ରେ ଶିକ୍ଷଣ ସାମଗ୍ରୀ କର୍ମଶାଳା ଅନୁଷ୍ଠିତ

ନୂଆପଡା (ପରମେଶ୍ୱର ମେହେର) ସିନପାଲି ବ୍ଲକ ବ୍ରାହ୍ମଣ ସମାଜ ଆନୁକୁଲ୍ୟ ରେ ଗତ କାଲି ଗୁରୁବାର ଅକ୍ଷୟ ତୃତୀୟା ଅବସର ରେ ଭଗବାନ୍ ପର୍ଶୁରାମ ଙ୍କ ପବିତ୍ର ଜନ୍ମ ଜୟନ୍ତୀ ପାଳିତ ହୋଇ ଯାଇଛି । ଏହି ଉପଲକ୍ଷେ ସ୍ଥାନୀୟ ଅଗ୍ରସେନ ଭବନ ପରିସରରେ ପୂର୍ବାହ୍ନ ରେ ଶ୍ରୀ ପର୍ଶୁରାମ ଙ୍କ ପୂଜୋନତ୍ସବ ଓ ହୋମ ଯଜ୍ଞ ଅନୁଷ୍ଠିତ ହୋଇ ଥିଲା । ଶ୍ରୀଯୁକ୍ତ ନାରାୟଣ ପାତ୍ର ସପତ୍ନିକ ଏଥିରେ କର୍ତ୍ତା ଭାବରେ ଦାୟିତ୍ବ ନିର୍ବାହ କରିଥିଲେ । ସଂଧ୍ୟା ରେ ଏକ ବିରାଟ ସାଂସ୍କୃତିକ ଶୋଭାଯାତ୍ରା ସହିତ ସିନାପାଲି ନଗର ପରିକ୍ରମା ଅନୁଷ୍ଠିତ ହୋଇ ଥିଲା । ଏଥିରେ ଶତାଧିକ ମହିଳା ଓ ପର୍ଶୁରାମ ବାହିନୀ ଯୋଗ ଦେଇ ଥିଲେ । ପରେ ବ୍ଲକ ବ୍ରାହ୍ମଣ ସମାଜ ସଭାପତି ପ୍ରମୋଦ କୁମାର ପଣ୍ଡା ଙ୍କ ସଭାପତିତ୍ବ ରେ ଏକ ସାଂସ୍କୃତିକ ସଭା ଅନୁଷ୍ଠିତ ହୋଇ ଥିଲା । ବରିଷ୍ଠ ନାଗରିକ ତଥା ଅବସର ପ୍ରାପ୍ତ ଆଦର୍ଶ ଶିକ୍ଷକ ସଦାନନ୍ଦ ଠାକୁର ମୂଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ଡ ଉମେଶ ଚନ୍ଦ୍ର ଶତପଥୀ ମୂଖ୍ୟ ବକ୍ତା ଭାବରେ ଓ ଅବସର ପ୍ରାପ୍ତ ଗୋଷ୍ଠୀ ଶିକ୍ଷା ଅଧିକାରୀ ଇନ୍ଦ୍ରମଣି ପାଣିଗ୍ରାହି ସମ୍ମାନିତ ଅତିଥି ଭାବରେ ଯୋଗଦେଇ ଥିଲେ । ବ୍ଲକ ବ୍ରାହ୍ମଣ ସମାଜ ର ସମ୍ପାଦକ ଅଶ୍ୱିନୀ କୁମାର ଯୋଷୀ ବାର୍ଷିକ ବିବରଣୀ ପଠନ କରିଥଲେ । ମହାବୀର ପ୍ରସାଦ ଯୋଷୀ ଅତିଥି ମାନଙ୍କୁ ମଂଚ କୁ ଆମନ୍ତ୍ରଣ କରିଥିବା ବେଳେ ଅତୁଲ କୁମାର ପାତ୍ର ମଣ୍ଡଳ କର୍ମକର୍ତ୍ତା ଙ୍କୁ ଭଗବାନ ପର୍ଶୁରାମ ଙ୍କ ଫୋଟୋ ଚିତ୍ର ପ୍ରଦାନ କାର୍ଯ୍ୟକ୍ରମ ପରିବେଷଣ କରିଥଲେ । ସେହିପରି ପରେଶ ନାଥ ପାଣିଗ୍ରାହୀ ଓ ପ୍ରଭାତ ନଳିନୀ ବେହେରା ସଂଯୋଜନା କରିଥିଲେ ଓ ସଂଜୟ କୁମାର ବେହେରା ଧନ୍ୟବାଦ୍ ଅର୍ପଣ କରିଥିଲେ । ସଭା ପ୍ରାରମ୍ଭ ରେ ପ୍ରଜ୍ଞା ବାହିନୀ ଙ୍କ ଦ୍ୱାରା ପ୍ରାରମ୍ଭିକ ସଙ୍ଗୀତ ପରିବେଷଣ କରଯାଇଥିଲା । ଏହି ଅବସର ରେ ୧୦୮ ଦୀପ ପ୍ରଜ୍ଜ୍ୱଳନ କରଯାଇଥିଲା । ଏହି କାର୍ଯ୍ୟକ୍ରମ ରେ ସିନାପାଲି, ବୋଡ଼େନ ଓ ଖଡ଼ିଆଳ ସମେତ ନୂଆପଡ଼ା ଜିଲ୍ଲା ଓ ପଡୋଶୀ କଳାହାଣ୍ଡି ଜିଲ୍ଲା ର ପ୍ରାୟ ଏକ ହଜାର ଲୋକ ଙ୍କ ସମାଗମ ହୋଇ ଥିଲା । ପର୍ଶୁରାମ ବାହିନୀ କାର୍ଯ୍ୟକ୍ରମ ଆୟୋଜନ ରେ ପ୍ରମୁଖ ଭୂମିକା ଗ୍ରହଣ କରିଥିଲା ।