ଦବିଲା ପେଣ୍ଡ୍ରାବନ୍ଧ୍ ବ୍ରିଜ, ଯାତାୟାତ ଠପ୍

ନୁଆପଡ଼ା :(ବିରବଲ ପ୍ରଧାନ) ଅଲ ଓଡିଶା ପେକ୍ସ-ଲେମ୍ପସ କର୍ମଚାରୀ ଫେଡେରେସନଙ୍କ ନିର୍ଦ୍ଦେଶକ୍ରମେ ୩ ଦଫା ଦାବି ନେଇ ପ୍ରାଥମିକ କୃଷି ସମବାୟ ସମିତି କର୍ମଚାରୀମାନେ ଶୁକ୍ରବାରଠାରୁ କାର୍ଯ୍ୟବନ୍ଦ ଡାକରା ଦେଇ ଧାରଣାରେ ବସିଛନ୍ତି । ଏହି କାର୍ଯ୍ୟବନ୍ଦ ଆନ୍ଦୋଳନକୁ ସମର୍ଥନ ଜଣାଇ ନୂଆପଡା ଜିଲାରେ ଥିବା ୨୬ଟି ପେକ୍ସ ଓ ଲେମ୍ପସର ୧୨୫ରୁ ଉର୍ଦ୍ଧ କର୍ମଚାରୀ କାର୍ଯ୍ୟବନ୍ଦ କରି ବ୍ଲକ ଓ ଜିଲା କେନ୍ଦ୍ର ସମବାୟ ବ୍ୟାଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି। ପାକ୍ସ ଲେମ୍ପସ କର୍ମଚାରୀଙ୍କୁ କ୍ୟାଡର ଭୁକ୍ତ କରି ବଦଳି କରିବା, ଷଷ୍ଠ ବେତନ କମିଶନ ହାରରେ ପାଉଥିବା କର୍ମଚାରୀଙ୍କ ଡିଏ ୧୬୪%ରୁ ୨୩୦%କୁ ବୃଦ୍ଧି, ଷଷ୍ଠ ବେତନ କମିଶନ ହିସାବରେ ସପ୍ତମ ବେତନ କମିଶନକୁ ସମସ୍ତ ପାକ୍ସ-ଲେମ୍ପସରେ ତୁରନ୍ତ କାର୍ଯ୍ୟକାରୀ ବରିବା ଆଦି ଦାବିଗୁଡିକ ଦୀର୍ଘ ବର୍ଷ ହେବ ସରକାରଙ୍କଠାରେ ଉପସ୍ଥାପନ କରିଥିଲେ ମଧ୍ୟ ଏଯାଏଁ କୌଣସି ସୁଫଳ ମିଳି ନ ଥିବାରୁ କାର୍ଯ୍ୟବନ୍ଦ ଡାକରା ଦେଇ ଧାରଣାରେ ବସିଛନ୍ତି । ଦାବିଗୁଡିକ ପୂରଣ ନ ହେବା ଯାଏଁ ଅନିର୍ଦ୍ଦିଷ୍ଟ କାଳ ଧାରଣାରେ ବସିବୁ ବୋଲି ଚେତାବନୀ ଦେଇଛନ୍ତି। ପ୍ରାଥମିକ କୃଷି ସମବାୟ ସମିତି ବନ୍ଦ ଡାକରା ଦେଇଥିବାରୁ ରବି ଧାନ ଫସଲରେ ବାଧା ସୃଷ୍ଟି ହେଉଛି। ଚାଷୀମାନେ ବର୍ତ୍ତମାନ ରବି ଚାଷ କାମ ଆରମ୍ଭ କରି ଦେଲେଣି । ତଳି ଉଠି ରୋଇବା ସମୟ ହୋଇଗଲାଣି। ଚାଷୀମାନେ ପ୍ରାଥମିକ କୃଷି ସମବାୟ ସମିତିକୁ ବିଭିନ୍ନ ରାସାୟନିକ ସାର ଓ କୀଟନାସକ ଔଷଧ ପାଇଁ ଆସି ନିରାଶ ହୋଇ ଫେରି ଯାଉଛନ୍ତି। ଚାଷୀ ଖରିଫ ଋତୁରେ ଋଣ ନେଇ ରବି ଋତୁରେ ପରିଶୋଧ କରି ନୂତନ ଭାବରେ ୠଣ ନେଇ ଚାଷ କାର୍ଯ୍ୟ କରିଥାନ୍ତି। ସମବାୟ ସମିତି ବନ୍ଦ ରହିଥ‌ିବାରୁ ଚାଷ କାର୍ଯ୍ୟ ବାଧାପ୍ରାପ୍ତ ହେବା ସହ ରବି ଧାନ ସଂଗ୍ରହ ପାଇଁ ପଞ୍ଜୀକରଣ କାର୍ଯ୍ୟ ମଧ୍ୟ ହୋଇପାରୁ ନାହିଁ ବୋଲି ଚାଷିମାନେ ଅଭିଯୋଗ କରିଛନ୍ତି।