ଦବିଲା ପେଣ୍ଡ୍ରାବନ୍ଧ୍ ବ୍ରିଜ, ଯାତାୟାତ ଠପ୍

ବାଲେଶ୍ୱର,୨୩/୨(ଲକ୍ଷ୍ମୀଧର ବାରିକ): ବାଲେଶ୍ୱର ଜିଲା ସୂଚନା ଓ ଲୋକସମ୍ପର୍କ ଅଧିକାରୀ (ଡିଆଇପିଆର୍‌ଓ) ଭବାନୀଶଙ୍କର ଭୂୟାଁଙ୍କୁ ଜିଲା ଖବରଦାତାମାନଙ୍କ ପକ୍ଷରୁ ଶୁକ୍ରବାର ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଶ୍ରୀ ଭୂୟାଁ ଗତ ୨୦୨୨ ଅଗଷ୍ଟ ୧୭ ତାରିଖରେ ବାଲେଶ୍ୱର ଜିଲା ସୂଚନା ଓ ଲୋକସମ୍ପର୍କ ଅଧିକାରୀ ଭାବେ ଯୋଗଦେଇଥିଲେ । ତାଙ୍କର କଟକ ଜିଲା ସୂଚନା ଓ ଲୋକସମ୍ପର୍କ ଅଧିକାରୀ ଭାବେ ବଦଳି ହୋଇଛି । ବାଲେଶ୍ୱର ଜିଲାପାଳ ତାଙ୍କୁ ରିଲିଫ୍ ଦେବା ପରେ ଶୁକ୍ରବାର ସେ କଟକ କାର୍ଯ୍ୟାଳୟରେ ଯୋଗଦେବା ନିମନ୍ତେ ବାଲେଶ୍ୱରରୁ ଯାଇଛନ୍ତି । ନୂତନ ଡିଆଇପିଆର୍‌ଓ ଭାବେ ଦାୟିତ୍ୱ ନେଇଥିବା ଅତିରିକ୍ତ ସୂଚନା ଓ ଲୋକସମ୍ପର୍କ ଅଧିକାରୀ ଐଶ୍ୱର୍ଯ୍ୟା ସାମନ୍ତଙ୍କୁ ସ୍ୱାଗତ କରାଯାଇଥିଲା । ବିଦାୟ ସମ୍ବର୍ଦ୍ଧନା ଉପଲକ୍ଷେ ଜିଲା ସାମ୍ବାଦିକ ପ୍ରକୋଷ୍ଠ ପରିସରରେ ଏକ ଉତ୍ସବ ଅନୁଷ୍ଠିତ ହୋଇଥିଲା । ଖବରଦାତା ମାନସ ବିଶ୍ୱାଳ ଉତ୍ସବକୁ ସଂଯୋଜନା କରିଥିଲେ । ବରିଷ୍ଠ ଖବରଦାତା ରବି ରାଉତ, ଦେବବ୍ରତ ପାଣିଗ୍ରାହୀ, ଉଜ୍ୱଳ କର ମଞ୍ଚାସୀନ ରହି ଡିଆଇପିଆର୍‌ଓ ଶ୍ରୀ ଭୂୟାଁଙ୍କର ଦୀର୍ଘ ୫୦୦ ଦିନର କାର୍ଯ୍ୟକଳାପ ସମ୍ପର୍କରେ ବଖାଣିଥିଲେ । ଅବସରପ୍ରାପ୍ତ ଓଏସ୍‌ଡ଼ି ପୁରୁଷୋତ୍ତମ ସେଠୀ, ଖବରଦାତା ଉବାଚକ ମହାନ୍ତି, ରତିକାନ୍ତ ପାତ୍ର, ସନ୍ଦୀପ୍ତ ଦାସ, ବ୍ରହ୍ମାନନ୍ଦ ସ୍ୱାଇଁ, ସପନ ବିଶ୍ୱାଳ, ଆଲୋକ ବାରିକ, ରବି ରଞ୍ଜନ ଦାସ, , ହାଇଦର ଖାନ ନିଜ ନିଜ ବକ୍ତବ୍ୟ ରଖି ଡିଆଇପିଆର୍‌ଓ ଶ୍ରୀ ଭୂୟାଁ ସମସ୍ତ ଖବରଦାତାମାନଙ୍କ ସହ ଭ୍ରାତୃଭାବ ରଖି କାର୍ଯ୍ୟ କରିଆସୁଥିଲେ । ସବୁ ସମୟରେ ଖବରଦାତାମାନଙ୍କୁ ଆବଶ୍ୟକ ସୂଚନା ଦେବା ସହିତ ଜିଲାରେ ପ୍ରଶାସନ ଏବଂ ଖବରଦାତାଙ୍କ ମଧ୍ୟରେ ଏକ ସୁସ୍ଥ ବାତାବରଣର ସେତୁ ଥିଲେ । କାର୍ଯ୍ୟକଳାପ ଏବଂ ଖବରଦାତାଙ୍କ ପ୍ରତି ଥିବା ତାଙ୍କର ଆନ୍ତରିକତା ଉପରେ ବକ୍ତବ୍ୟ ରଖିଥିଲେ । ଅଭୟ ଦାସ, ପ୍ରସନ୍ନଜିତ ଆଶ, କଳିଙ୍ଗ ସାହୁ, ଆଜିମ ବାଲେଶ୍ୱରୀ, ଅଜିତ ମହାନ୍ତି, ଅରୂପ ମହାନ୍ତି, ପ୍ରଦୀପ ବେରା, ଧୀରଜ ଦାସ ପ୍ରମୁଖ ଉପସ୍ଥିତ ଥିଲେ । ଖବରଦାତାମାନେ ଡିଆଇପିଆର୍‌ଓ ଶ୍ରୀ ଭୂୟାଁଙ୍କୁ ବିଭିନ୍ନ ଉପହାର ଦେଇ ତାଙ୍କ ଉତ୍ତରୋତ୍ତର ଉନ୍ନତିର କାମନା କରିଥିଲେ । ଗ୍ରନ୍ଥାଗାରିକ ସତ୍ୟଜିତ ମଣ୍ଡଳ, ଚତୁର୍ଥ ଶ୍ରେଣୀ କର୍ମଚାରୀ କାର୍ତ୍ତିକ ବେହେରା ଓ ମାଳତି କିସ୍କୁ ଉପସ୍ଥିତ ଥିଲେ ।