ବହିରା ଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନଶିକ୍ଷକ ଙ୍କୁ ଅବସରକାଳୀନ ବିଦାୟ ସ୍ୱମ୍ୱର୍ଦ୍ଧନା

ଜଳେଶ୍ୱର, ୧୪ ।୦୮ (ଜଗନ୍ନାଥ ଗୋଛାୟତ) ଜଳେଶ୍ୱର ବ୍ଲକ ଶ୍ରୀରାମପୁର ପଂଚାୟତ ବ୍ରଜେଶ୍ୱରୀ ନୋଡାଲ ଉ.ପ୍ରା. ବିଦ୍ୟାଳୟର ଜନୈକ ଶିକ୍ଷକଙ୍କ ହଠାତ୍ ବଦଳିକୁ ନେଇ ଅଭିଭାବକ ସଂଘ ପକ୍ଷରୁ ୧୪ତାରିଖ ଦିନ ୧୦ଟାରୁ ବିଦ୍ୟାଳୟ ସମ୍ମୁଖରେ ଧାରଣା ଦିଆଯାଇଥିଲା । ବିଦ୍ୟାଳୟରେ ୧୩୦ରୁ ଉର୍ଦ୍ଧ ଛାତ୍ରଛାତ୍ରୀ ଅଧ୍ୟୟନ କରୁଥିବା ବେଳେ ୪ଜଣ ଶିକ୍ଷକ ରହିଛନ୍ତି । ପୂର୍ବରୁ ୨ଜଣ ଶିକ୍ଷକଙ୍କ ପଦବୀ ଖାଲି ପଡିଥିବା ବେଳେ ବିଦ୍ୟାଳୟ କମିଟିକୁ ନ ଜଣାଇ ପୁଣି ଜଣେ ଭଲ ଶିକ୍ଷକଙ୍କୁ ହଠାତ୍ ବଦଳି କରାଯାଇ ଥିବାରୁ ଅଭିଭାବକ ମାନେ ଧାରଣାରେ ବସିଥିଲେ । ବଦଳି କରାଯାଇଥିବା ଶିକ୍ଷକଙ୍କୁ ପୁନଃ ନିଯୁକ୍ତି ସହତ ଅନ୍ୟ ୨ଜଣ ଶିକ୍ଷକଙ୍କୁ ନିଯୁକ୍ତି ଦେବା ପାଇଁ ଦାବୀ କରିବା ସହିତ ପରୀକ୍ଷା ଚାଲିଥିବା ସମୟରେ ଶିକ୍ଷକଙ୍କୁ ବଦଳି କାହିଁକି କରାଯାଇଛି ତାର ଜବାବ ମାଗିଥିଲେ । ଅପରାହ୍ନରେ ଜଳେଶ୍ୱର ଏବିଇଓ ଧାରଣା ସ୍ଥଳରେ ପହଂଚି ଧାରଣାକାରୀଙ୍କ ସହିତ କଥାବାର୍ତା କରି ଶିକ୍ଷକ ନିଯୁକ୍ତି ଦେବାର ପ୍ରତିଶ୍ରୁତି ଦେବା ପରେ ଧାରଣା ପ୍ରତ୍ୟାହୃତ ହୋଇଥିଲା । ଏହି ଧାରଣାରେ ରଶ୍ମିରେଖା ସେଠୀ, ଶାନ୍ତିଲତା ଗିରି, ପ୍ରତିଭା ଘୋଷ, ମଣିମାଳା ବେହେରା, ସୁଭଦ୍ରା ଦତ, ଶମ୍ଭୁନାଥ ବିଶ୍ୱାଳ, ଉତମ ପ୍ରଧାନ, ତପନ ପାଇକିରା, ଗୋପାଳ ବିଶ୍ୱାଳ, ପ୍ରଭାକର ମହାନ୍ତି, ପୂର୍ଣ୍ଣଚନ୍ଦ୍ର ବେହେରା ପ୍ରମୁଖ ବହୁ ଅଭିଭାବକ ଧାରଣାରେ ବସିଥିଲେ ।