କଣ୍ଟାମାଳ,(ମନଧର କର୍ମୀ) ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଧାନଖଣ୍ଡି ଛକଠାରେ କଣ୍ଟାମାଳ ବ୍ଲକ ସାମ୍ବାଦିକ ସଙ୍ଘ(କବ୍ଜା) ପକ୍ଷରୁ ଉପସଭାପତି ପ୍ରଭାତ କୁମାର ସାହୁଙ୍କ ସଭାପତିତ୍ବରେ ଏକ ସାଧାରଣ ସଭା ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ସମ୍ପାଦକ ପୂର୍ଣ୍ଣଚରଣ ସାହୁ ଗତବର୍ଷର ବାର୍ଷିକ ଆୟବ୍ୟୟ ହିସାବ ପ୍ରଦାନ କରିବା ପରେ ବିଭିନ୍ନ ସମୟରେ ସାମ୍ବାଦିକ ମାନଙ୍କ ପ୍ରତି ସରକାରୀ କର୍ମଚାରୀଙ୍କ ହିଂସା ଆଚରଣ କରିବା ଘଟଣାକୁ ସଂଘ ତରଫରୁ ଦୃଢ ନିନ୍ଦା କରାଯାଇଛି । ସରକାର ସାମ୍ୱାଦିକ ମାନଙ୍କ ସୁରକ୍ଷା ପାଇଁ ସ୍ୱତନ୍ତ୍ର ନୀତି ପ୍ରଣୟନ କରାଯିବା ନେଇ ଆଲୋଚନା କରାଯାଇଛି । ଆସନ୍ତା ନଭେମ୍ବର ମାସରେ ସଂଘ ର ବାର୍ଷିକ ଉତ୍ସବ ପାଳନ କରିବା ପାଇଁ ସର୍ବସମ୍ମତି ସ୍ଥିର କରାଯାଇଛି । ଏହି ଅବସରରେ "ମାତୃଭୂମି" ନାମକ ଏକ ସ୍ମରଣିକା ମଧ୍ୟ ପ୍ରକାଶିତ ହେବ ବୋଲି ବରିଷ୍ଠ ଉପଦେଷ୍ଟା ଦିବ୍ୟଶଙ୍କର ରାଉତ ସୂଚନା ଦେଇଛନ୍ତି । ଶେଷରେ ସଦସ୍ୟ ଜୟକୁମାର ମହାରଣା ଧନ୍ୟବାଦ ଅର୍ପଣ କରିଥିଲେ । ସଦସ୍ୟ ରଞ୍ଜନ କୁମାର ପାତ୍ର, ଅନନ୍ତ ଖମାରୀ, ବଂଶୀଧର ମାଝୀ, ଦେବାଶିଷ ମଲିକ, ବଳରାମ ବାଘ, ଗୋବର୍ଦ୍ଧନ ସାହୁ ପ୍ରମୁଖ ଆଲୋଚନାରେ ଯୋଗ ଦେଇଥିଲେ ।
Post a Comment