ଅନନ୍ତ ଶାନ୍ତି କମ୍ପ୍ୟୁଟର ଶିକ୍ଷା କେନ୍ଦ୍ରର ପକ୍ଷରୁ ରକ୍ତଦାନ ଶିବିର ଆଜି

ସୁବର୍ଣ୍ଣପୁର (ଗଣପତି ବାଘ) ଭୁବନେଶ୍ବର ବିଜେବି କଲେଜ ହଷ୍ଟେଲରେ ଛାତ୍ରି ରୁଚିକା ମହାନ୍ତି ଙ୍କୁ ରେଗିଙ୍ଗ ଅଭିଯୋଗ ରେ ହୋଇଥିବା ଆତ୍ମହତ୍ୟା ଘଟଣାରେ ନ୍ୟାୟ ଦାବି କରି ସୁବର୍ଣ୍ଣପୁର ଜିଲ୍ଲା ନବ ନିର୍ମାଣ ଯୁବ ଓ ଛାତ୍ର ସଂଗଠନ ପକ୍ଷରୁ ଆଜି ୧୨ ଘଣ୍ଟିଆ ସୋନପୁର ବନ୍ଦ ଡାକରା ଦିଆଯାଇଛି । ଏଥିରେ ସୁବର୍ଣ୍ଣପୁର ସହରର ସମସ୍ତ ଦୋକାନ , ବଜାର , ବୈବସାୟୀକ ପ୍ରତିଷ୍ଠାନ, ସରକାରୀ , ବେସରକାରୀ କାର୍ଯ୍ୟାଳୟ ବନ୍ଦ ଥିବା ବେଳେ ସ୍କୁଲ , କଲେଜ ଆଦି ମଧ୍ୟ ବନ୍ଦ ରହିଛି । ଏପରିକି ଯାନବାହାନ ଚଳାଚଳ ମଧ୍ୟ ବନ୍ଦ ରହିଛି । ସକାଳୁ ସକାଳୁ ନବ ନିର୍ମାଣ ଯୁବ ସଂଗଠନର କାର୍ଯ୍ୟକର୍ତ୍ତାମାନେ ସହରର ଦୋକାନ , ବଜାର, ସ୍କୁଲ , କଲେଜ ଆଦି ପିକେଟିଂ କରି ବନ୍ଦ କରିଥିବା ବେଳେ ସହରର ମୁଖ୍ୟ ଛକ ଗୁଡିକରେ ରାସ୍ତା ଅବରୋଧ କରି ଗାଡି ଚଳାଚଳ ବନ୍ଦ କରିଛନ୍ତି । ସହରର ବ୍ଲକ ଛକରେ ରାସ୍ତାର ଉଭୟ ପାର୍ଶ୍ବରେ ଶହ ଶହ ଗାଡି ମଟର ଅଟକି ରହିଥିବା ବେଳେ ସାଧାରଣ ଲୋକ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଏହି ବନ୍ଦରେ ଜରୁରୀ ସେବା କୁ ବାଦ ଦିଆଯାଇଥିବା ବେଳେ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ବର୍ତ୍ତମାନ ପର୍ଯ୍ୟନ୍ତ କୌଣସି ଅପ୍ରିତିକର ଘଟଣା ସାମାନାକୁ ଆସି ନ ଥିବା ବେଳେ ଶାନ୍ତି ଶୃଙ୍ଖଳାର ସହିତ ବନ୍ଦ ପାଳନ କରାଯାଉଛି । ଆଗାମି ଦିନରେ ରୁଚିକା ଆତ୍ମହତ୍ୟା ମାମଲାରେ ସଂଶ୍ଲିଷ୍ଟ ଥିବା ତିନିଜଣ ଝିଅ ଓ କଲେଜ କତୃପକ୍ଷ ଙ୍କ ବିରୋଧରେ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରାନଗଲେ ଆନ୍ଦୋଳନ ଆହୁରି ଜୋରଦାର କରାଯିବ ବୋଲି କହିଛନ୍ତି ଆନ୍ଦୋଳନ କାରୀ ା