ସିନାପାଲି ରେ ଏନ ଡି ୟୁ ଜେ ରେ ସାଧାରଣ ବୈଠକ। ନୂଆପଡାରେ ରାଜ୍ୟ କାର୍ଯ୍ଯ କାରିଣୀ ବୈଠକ ନେଇ ଆଲୋଚନା

ବାଲେଶ୍ବର, (ପ୍ରଭାକର ମଲ୍ଲିକ) ବସ୍ତା ତହସିଲ ଅନ୍ତର୍ଗତ ନଟାକଟା ପଞ୍ଚାୟତର ଶ୍ୟାମସୁନ୍ଦର ସ୍ଥିତ ଆର.ଆଇ ଅଫିସ କାର୍ଯ୍ୟାଳୟ ଟି ବିପଦ ସଙ୍କୁଳ ପଡ଼ିରହିଛି।ଆର.ଆଇ ଅଫିସ କାର୍ଯ୍ୟାଳୟ ଛାତରୁ କଂକ୍ରିଟ ଝଡିବାରେ ଲାଗିଛି। ଛାତରୁ କଂକ୍ରିଟ ଝଡି ରଡ ଦେଖାଗଲଣି।ଆର.ଆଇ ଅଫିସର ଆବଶ୍ୟକ କାର୍ଯ୍ୟ ଓ କାଗଜପତ୍ର,ଫାଇଲ ପାତ୍ର ସମେତ ଆଲମାରୀ ତଥା ଅନ୍ୟାନ୍ୟ ଅସବାପତ୍ର ରଖାଯାଇଛି।ଏହି କାର୍ଯ୍ୟାଳୟ ଗୃହଟି ଛାତ ଫାଟି ଛାତରୁ ସିମେଣ୍ଟ ଖଣ୍ଡ ଖସି ବିପଦ ସୃଷ୍ଟି କରିଛି।ଏହି କାର୍ଯ୍ୟାଳୟ ଅସୁରକ୍ଷିତ ହୋଇପଡ଼ିଥିବାରୁ ଅଫିସ ଅଧିକାରୀ,କର୍ମଚାରୀ ଠାରୁ ଆରମ୍ଭ କରି ଆର.ଆଇ କାର୍ଯ୍ୟାଳୟକୁ ଆସୁଥିବା ଜନସାଧାରଣ ନିଜକୁ ନିରାପଦ ମଣୁନାହାନ୍ତି।

ଏବଂ ବିଭିନ୍ନ ସମୟରେ ଲୋକ ମାନେ ଆର.ଆଇ କାର୍ଯ୍ୟଳୟକୁ ବିଭିନ୍ନ କାର୍ଯ୍ୟ ପାଇଁ ଯିବା ଆସିବା କରିଥାନ୍ତି କେତେବେଳେ ଯେ ଛାତ ଗଳିପଡ଼ିବ ତାହା କହିହେବ ନାହିଁ।ଛାତରୁ ସିମେଣ୍ଟ ଖଣ୍ଡ ଖସି ବିପଦ ସୃଷ୍ଟି କରୁଥିବା ବେଳେ ଆର.ଆଇ ଓ ଅଫିସ କର୍ମଚାରୀମାନେ ବସିବା ସହିତ ଅଫିସ କାର୍ଯ୍ୟ କରୁଛନ୍ତି।ଏହି ଅଫିସ କାର୍ଯ୍ୟାଳୟ ଅବିଳମ୍ବେ ଯୁଦ୍ଧକାଳୀନ ଭିତ୍ତିରେ ନିର୍ମାଣ ପାଇଁ ସାଧାରଣମାନେ ଓ ବୁଦ୍ଧିଜିବୀ ମାନେ ଅଭିଯୋଗ କରୁଛନ୍ତି।ଏଣୁ ପ୍ରଶାସନିକ କର୍ତ୍ତୃପକ୍ଷ ଏ ଦିଗରେ ଦୃଷ୍ଟିଦେଇ କିଛି ଅଘଟଣ ଘଟିବା ପୂର୍ବରୁ ବିହୀତ କାର୍ଯ୍ୟାନୁଷ୍ଠାନ କରିବାକୁ ଦାବି ହେଉଛି।