ସୁବର୍ଣ୍ଣପୁର (ଗଣପତି ବାଘ) ପଲସାପାଲି ରେ ଅଗ୍ନିକାଣ୍ଡ ଘଟି ୭ଗାଈ ବାଛୁରୀ ଜୀବନ୍ତ ଦଗ୍ଧ ହୋଇଯାଇଥିବା ବେଳେ ୩ଗାଈ ଗୁରୁତର ହୋଇଛନ୍ତ ା ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ବାବୁପାଲି ପଂଚାୟତର ପଲସାପାଲି ଗାଁରେ ଥିବା ଏକ ଚାଷଜମିରେ କେହିଜଣେ ଦୁର୍ବୃତ୍ତ ନିଆଁ ଲଗେଇଥିଲା । ଫଳରେ ଚାରିଆଡେ ନିଆଁ ବ୍ୟାପି ଗାଁର ଚୈତନ୍ୟ ମେଲ୍ଲୀ ଏବଂ କୃପାମେଲ୍ଲୀ ଙ୍କ ଘରେ ନିଆଁ ଲାଗିଥିଲା । ନିଆଁ ର କରାଳ ଝାସ ରେ ଜୀବନ୍ତ ଦଗ୍ଧ ହେଲେ ୭ଗାଈ ବାଛୁରୀ ଓ ଜଳିଗଲା ପ୍ରାୟ ୪୦ପ୍ୟାକେଟ ଧାନ ଏବଂ ୪ବଖରା ଘର ସହ ଲକ୍ଷାଧିକ ତାଙ୍କର ସମ୍ପତ୍ତି ନଷ୍ଟ । ଖବର ପାଇ ଘଟଣା ସ୍ଥଳରେ ରାମପୁର ଅଗ୍ନିଶମ ବାହିନୀର କର୍ମକର୍ତା ନିଆଁ କୁ ଆୟତ୍ତ କରିବାରେ ସଫଳ ହୋଇଥିଲେ । ଘଟଣା ସ୍ଥଳକୁ ସରକାରୀ କର୍ମଚାରୀ ପହଂଚି କ୍ଷୟ କ୍ଷତିର ସଠିକ ଆକଳନକରି ଚୈତନ୍ୟ ଏବଂ କୃପାଙ୍କୁ ସରକାରୀ ସହାୟତା ଦେବା ଜରୁରୀ ହୋଇ ପଡିଛି ।
Post a Comment