ସିନାପାଲି ରେ ଏନ ଡି ୟୁ ଜେ ରେ ସାଧାରଣ ବୈଠକ। ନୂଆପଡାରେ ରାଜ୍ୟ କାର୍ଯ୍ଯ କାରିଣୀ ବୈଠକ ନେଇ ଆଲୋଚନା

ସୁବର୍ଣ୍ଣପୁର (ଗଣପତି ବାଘ) ସୁବଣ୍ଣପୁର ଜିଲ୍ଲା ସଦର ମହକୁମାରେ ଥିବା ମହାରାଜା ଉଚ୍ଚ ବିଦ୍ୟାଳୟର ଭିତ୍ତିଭୂମିର ବିକାଶ ପାଇଁ ବିଦ୍ୟାଳୟର ପୁରାତନ ଛାତ୍ର ସଂଘ ତରଫରୁ ଚାରି ଲକ୍ଷ ଟଙ୍କା ମୋ ସ୍କୁଲ ଅଭିଯାନ ପାଣ୍ଠିରେ ଡିପୋଡିଟ କରାଯାଇଛି । ଫଳରେ ସରକାରଙ୍କ ତରଫରୁ ଡିପୋଜିଟ ଅର୍ଥର ଦୁଇଗୁଣ ଅର୍ଥାତ ମୋଟ ବାର ଲକ୍ଷ ଟଙ୍କା ମିଳିବ । ଯେଉଁ ଅର୍ଥରେ ବିଦ୍ୟାଳୟର ଅତ୍ୟାବଶ୍ୟକ ଉନ୍ନୟନମୂଳକ କାମ ହାତକୁ ନିଆଯିବ । ପ୍ରକାଶ ଥାଉ କି ମହାରାଜା ଉଚ୍ଚ ବିଦ୍ୟାଳୟ ରାଜ୍ୟର ସର୍ବ ପୁରାତନ ଶିକ୍ଷାନୁଷ୍ଠାନମାନଙ୍କ ମଧ୍ୟରୁ ଅନ୍ୟତମ ହେଲେ ମଧ୍ୟ ପ୍ରଶାସନିକ ଓ ରାଜନୈତିକ ଅବହେଳା ହେତୁ ଏହା ଘୋର ଅବହେଳିତ ହୋଇ ପଡି ରହିଛି । ଏପରିକି ଦୀର୍ଘ ବର୍ଷ ହେଲା ଏହି ବିଦ୍ୟାଳୟଟି ନିୟମିତ ପ୍ରଧାନ ଶିକ୍ଷକ ବିନା ଚାଲୁଛି । ଯେଉଁଥିପାଇଁ ପୁରାତନ ଛାତ୍ର ସଂଘ ଧାରଣାରେ ବସିବା ସହିତ ବିଭାଗୀୟ ମନ୍ତ୍ରୀଙ୍କ ସହ ପ୍ରତିନିଧି ଦଳରେ ସାକ୍ଷାତ ଆଲୋଚନା କରିଛି । ଏହି ବିଦ୍ୟାଳୟ ସରକାରଙ୍କ ୫ଟି ଅଧିନକୁ ଆସିବାପରେ ଏହାର ଭିତ୍ତିଭୂମି ସାମାନ୍ୟ ବିକଶିତ ହୋଇଛି । ମାତ୍ର ଏହି ଶିକ୍ଷାନୁଷ୍ଠାନର ସମୂହ ବିକାଶ ସକାଶେ ବହୁତ କାମ କରିବାକୁ ବାକି ଅଛି । ଯେଉଁଥପାଇଁ ପୁରାତନ ଛାତ୍ର ସଂଘ ଦୀର୍ଘ ଦିନ ହେଲା ସଂଗ୍ରାମ ଜାରି ରଖିଛି । ପୁରାତନ ଛାତ୍ର ସଂଘର ଉଦ୍ୟମରେ ବିଦ୍ୟାଳୟର ଅନେକ ଉନ୍ନତିମୂଳକ କାର୍ଯ୍ୟ ହାତକୁ ନିଆଯାଇଥିବା ବେଳେ ଉନ୍ନୟନ କାର୍ଯ୍ୟକୁ ତ୍ବରାନ୍ବିତ କରିବା ନିମନ୍ତେ ଏହି ଚାରି ଲକ୍ଷ ଟଙ୍କାର ପାଣ୍ଠିକୁ ପ୍ରଦାନ କରାଯାଇଛି । ଆଜି ଜିଲ୍ଲାପାଳ ଅବଲୀ ସୁନୀଲ ନରଓ୍ବେଣଙ୍କ ଉପସ୍ଥିତିରେ ମହାରାଜା ଉଚ୍ଚ ବିଦ୍ୟାଳୟର ପୁରାତନ ଛାତ୍ର ସଂଘ ସଭାପତି ଗୋରେଖନାଥ ସାହୁ, ସଂପାଦକ ବ୍ୟୋମକେଶ ଦାଶ ଓ କୋଷାଧ୍ୟକ୍ଷ ଦିଲ୍ଲୀପ କୁମାର ରଥ ବିଦ୍ୟାଳୟର ପ୍ରଧାନ ଶିକ୍ଷକ ଆଶିଶ୍ କୁମାର ରଥଙ୍କୁ ଏହି ଚାରିଲକ୍ଷ ଟଙ୍କା ଡିପୋଜିଟର ବ୍ୟାଙ୍କ ରସିଦ ପ୍ରଦାନ କରିଥିଲେ ।