ଜଙ୍ଗଲକୁ ନିଆ ଦାଉରୁ ରକ୍ଷା କରିବାକୁ ସଚେତନତା ସଭା

କଣ୍ଟାମାଳ (ମନଧର କର୍ମୀ) ମନମୁଣ୍ଡା ପଂଚାୟତ ର ସବୁଠୁ ଶିକ୍ଷିତ ଓ ସମୃଦ୍ଧ ଗାଁ ଭାବେ ନୂର୍ପା ପରିଚିତ।ହେଲେ ଏହି ଗ୍ରାମର ରାସ୍ତା ଅତି କଦର୍ଯ୍ୟ ହୋଇଥିବା ଦେଖିବାକୁ ମିଳିଛି।ମନମୁଣ୍ଡା ସରପଞ୍ଚ ରଂଜୁ ବେହେରା ଙ୍କ ନିଜ ଗ୍ରାମ ନୂର୍ପା ଓ ତାଙ୍କ ଘର ନିକଟ ରେ ଅସରାଏ ବର୍ଷା ରେ ଆଣ୍ଠୁଏ ପାଣି ଜମି ରହିଛି।ଚାଲିବାକୁ ସୁଖା ରାସ୍ତା ନାହିଁ।ଲୋକମାନେ ଘରର ପିଣ୍ଡା ଉପର ଦେଇ ଯିବାଆସିବା କରୁଥିବା ଦେଖିବାକୁ ମିଳିଛି।ସେହିପରି ସେହି ରାସ୍ତା କଂକ୍ରିଟ ହୋଇ ନ ଥିବାରୁ କାଦୁଅ ପଚ ପଚ ହେଉଛି ଯଦ୍ୱାରା ଯାତାୟତ ରେ ଘୋର ଅସୁବିଧା ସୃଷ୍ଟି ହେଉଛି।ଜଳ ନିଷ୍କାସନ ପାଇଁ ଡ୍ରେନ ବ୍ୟବସ୍ଥା ନ ଥିବାରୁ ଏବଂ ଉକ୍ତ ସ୍ଥାନ ଖାଲୁଆ ହୋଇଥିବାରୁ ବର୍ଷା ଛାଡିଲା ପରେ ମଧ୍ୟ ଦୀର୍ଘ ଦିନ ପର୍ଯ୍ୟନ୍ତ ସେଠାରେ ପାଣି ଜମି ରହୁଛି ଓ କାଦୁଅ ଗନ୍ଧ ରେ ରହିବା ମୁସ୍କିଲ ହୋଇ ପଡୁଛି।ଏହି ରାସ୍ତା ନିର୍ମାଣ ପାଇଁ ଗ୍ରାମବାସୀ ପୂର୍ବତନ ସରପଞ୍ଚ, ସମିତି ସଭ୍ୟା, ବି ଡି ଓ ପ୍ରଭୃତି ଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କେହି ସେଥିପ୍ରତି ଧ୍ୟାନ ଦେଇ ନ ଥିଲେ। ଉକ୍ତ ରାସ୍ତା ଦେଇ ଡାଙ୍ଗମୁଣ୍ଡା, ଖାଲିଅମୁଣ୍ଡା, କୁରଟିପାଲି, ଇତ୍ୟାଦି ଅନେକ ଗ୍ରାମବାସୀ ଯାତାୟାତ କରିଥାନ୍ତି। ରାସ୍ତାର ଗୁରୁତ୍ୱ ଓ ଅବସ୍ଥା କୁ ଦେଖି ପଂଚାୟତ କାର୍ତ୍ୟୁପକ୍ଷ ତୁରନ୍ତ ଉକ୍ତ ରାସ୍ତା କଂକ୍ରିଟ କରିବାକୁ ସ୍ଥାନୀୟ ବାସିନ୍ଦା ସଂଜୀବ ମହଲା, ପଞ୍ଚା ମହଲା, ନନ୍ଦ ମହଲା, ଗଙ୍ଗା ବେହେରା, ବିଭୁତି ମହଲା, ଚିତ୍ତ ରଞ୍ଜନ ତରିଆ ପ୍ରମୁଖ ଦାବି ଜଣାଇଛନ୍ତି।