ନୂଆପଡା ସଦର କ୍ଲଷ୍ଟର ରେ ଶିକ୍ଷଣ ସାମଗ୍ରୀ କର୍ମଶାଳା ଅନୁଷ୍ଠିତ

ନୂଆପଡ଼ା:- (ବିରବଲ ପ୍ରଧାନ) ନୂଆପଡ଼ା ଜିଲାରେ ୮ ବର୍ଷରୁ ଉର୍ଦ୍ଧ ହେବ ଭିନ୍ନକ୍ଷମ ପ୍ରମାଣପତ୍ର ମିଳୁ ନ ଥିବାରୁ ହିତାଧୂକାରୀ ଚାକିରି,ଭତ୍ତା, ଲୋନ ଇତ୍ୟାଦି ପାଇଁ ଆବେଦନ କରି ନ ପାରି ହଇରାଣ ହେଉଛନ୍ତି। ଆସନ୍ତା ୬ତାରିଖ ସୁଦ୍ଧା ପ୍ରମାଣପତ୍ର ନ ମିଳିଲେ ୯ରେ ଜିଲାପାଳଙ୍କ କାର୍ଯ୍ୟାଳୟ ଘରାଉ କରାଯିବ ବୋଲି ବିଭିନ୍ନ ସଂଘ କର୍ମକର୍ତ୍ତା ଓ ଭିନ୍ନକ୍ଷମ ମାନେ ସୂଚନା ଦେଇଛନ୍ତି। ଏହି ମର୍ମରେ ସେମାନେ ବୁଧବାର ଅତିରିକ୍ତ ଜିଲାପାଳ ସୁବାସ ଚନ୍ଦ୍ର ରଏତଙ୍କୁ ଦାବିପତ୍ର ପ୍ରଦାନ କରିଛନ୍ତି । ସୂଚନା ମୁତାବକ ୨୦୧୭ ମସିହାଠାରୁ ଜିଲାରେ ଭିନ୍ନକ୍ଷମ ପ୍ରମାଣ ପତ୍ର ଦିଆ ଯାଉ ନ ଥିବାବେଳେ ନୂତନ ଭାବରେ ଆବେଦନ କରୁଥିବା ଆବେଦନକାରୀଙ୍କ ଫର୍ମ ମଧ୍ଯ ଚାପିହୋଇ ରହୁଛି। ୨୦୨୪ ଏପ୍ରିଲ ପର୍ଯ୍ୟନ୍ତ ୨ ହଜାରରୁ ଉର୍ଦ୍ଦ ଆବେଦନକାରୀଙ୍କ ଫର୍ମ ସ୍ଥଗିତ ରହିଛି। ଜିଲା ସାମାଜିକ ସୁରକ୍ଷା ଅଧିକାରୀଙ୍କ କାର୍ଯ୍ୟାଳୟକୁ ଭିନ୍ନକ୍ଷମମାନେ ଆସି ନିରାଶ ହୋଇ ଫେରୁଛନ୍ତି । ଆସନ୍ତା ୬ରେ ଏକ ସ୍ବାସ୍ଥ୍ୟ ଶିବିର ଜିଲା ମୁଖ୍ୟାଳୟରେ ରହିଛି। ସେହିଦିନ ଭିନ୍ନକ୍ଷମଙ୍କୁ ପ୍ରମାଣପତ୍ର ନ ଦେଲେ ୯ରେ ଜିଲାପାଳ କାର୍ଯ୍ୟାଳୟ ଘେରାଉ କରିବା ପାଇଁ ପ୍ରସ୍ତୁତ ହେଉଥ‌ିବା ଦର୍ଶାଇଛନ୍ତି । ଅତିରିକ୍ତ ଜିଲାପାଳ ରଏତ ଶୀଘ୍ର ସମସ୍ୟାର ସମାଧାନ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି । ଏ ସମ୍ପର୍କରେ ସାମାଜିକ ସୁରକ୍ଷା ଅଧିକାରୀ ଅନନ୍ତ କୁମାର ହେମ୍ବ୍ରମଙ୍କୁ ପଚାରିବାରୁ ୨୦୧୭ ଠାରୁ ସବୁ ଅବେଦନ ଫର୍ମ ପୋର୍ଟାଲରେ ରହିଯାଇଛି । ସେହିସବୁ ଚିକିତ୍ସାଳୟରୁ ଆପୃଭ ହୋଇ ଆସି ନାହିଁ ବର୍ତ୍ତମାନ ଯେତେ ପ୍ରୋସେସ୍ ରେ ଅଛି ଶୀଘ୍ର କରିଦିଆଯିବ ବୋଲି କହିଛନ୍ତି । ଦାବିପତ୍ର ଦେବା ସମୟରେ ଜିଲା କିଷାନ ସଂଘ ଆବାହକ ଭକ୍ତବନ୍ଧୁ ଧରୁଆ, ଦିଲିପ ରାଉତ, ରମେଶ ମାଝି, ପବନ କୁମାର ମାଝି, ଦିନେଶ ମାଝି ଉପସ୍ଥିତ ଥିଲେ।