ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନ ଲଢ଼ିବେ ଆଦିବାସୀ ନେତା ଗିରିରାଜ ଭୋଇ

ନୂଆପଡ଼ା,(ପରମେଶ୍ଵର ମେହେର) ଅନେକ ଆଶା ନେଇ ଧାନ ଚାଷ କରିଥିବା ଚାଷୀ ମୁଣ୍ଡରେ ଏବେ ଚଡକ ପଡିଛି।ଧାନ କେଣ୍ଡା ଧରି ଆସିବା ବେଳକୁ ରୋଗପୋକ ଲାଗି ଫସଲ ନଷ୍ଟ ହୋଇଯାଉଛି । ଯେତେ ପ୍ରକାର ଔଷଧ ଦେଲେ ମଧ୍ୟ ସୁଫଳତା ମିଳୁନାହିଁ । ଏବେ ସରକାରୀ ସହଯୋଗ ହିଁ ଶେଷ ଭରସା । ନୂଆପଡା ଜିଲ୍ଲା ଖଡ଼ିଆଳ ବ୍ଲକ ଖୁଦପେଜ ଓ ବରଗାଁ ଗ୍ରାମ ପଞ୍ଚାୟତର ବିଭିନ୍ନ ଗ୍ରାମର ଚାଷ ଜମି ସବୁରେ ରୋଗ ଲାଗିଥିବା ଅଭିଯୋଗ ହୋଇଛି । ଚାଷ ହୋଇଥିବା ଧାନ ଫସଲରେ ରୋଗ ପୋକ ଲାଗିଛି,ବିଶେଷ କରି ଗଣ୍ଠି ପୋକ ଓ ବିପିଏଚ ରୋଗ ଲାଗିବାରୁ ଧାନ ଗଛ ସବୁ ମରି ଯାଉଛି । ଏହି ରୋଗର ପୋକ ସବୁ ଧାନ ଗଛକୁ ଶୋଷଣ କରି ଦେଉଛନ୍ତି । ଚାଷୀ ମାନେ ନିଜ ଚେଷ୍ଟାରେ ଔଷଧ ଆଣି ସିଞ୍ଚନ କରୁଛନ୍ତି କିନ୍ତୁ କୌଣସି ସୁଫଳତା ମିଳୁନାହିଁ । ଖାଲି ଏହି ଦୁଇ ଗ୍ରାମ ପଞ୍ଚାୟତର ଚାଷୀ ନୁହଁନ୍ତି ଖଡ଼ିଆଳ ବ୍ଲକର ସବୁ ଆଡେ ଏହି ଅବସ୍ଥା ଦେଖିବାକୁ ମିଳୁଛି । ଚାଷୀ ମାନଙ୍କୁ ସବସିଡିରେ ବିହନ, ଔଷଧ ଓ ସାର ମିଳିବାର ନିୟମ ଥିଲେ ମଧ୍ୟ ସମସ୍ତେ ଏସବୁ ସବିଧା ପାଇ ପାରୁ ନାହାନ୍ତି । ଧାର କରଜ ଓ ବ୍ୟାଙ୍କ ଋଣ କରି ଚାଷୀ ମାନେ ଏବେ ଚିନ୍ତାରେ, ବର୍ଷ ବର୍ଷ ଏ ଅଞ୍ଚଳ ମରୁଡ଼ିର ଶିକାର ହେଉଥିବା ବେଳେ ଏବର୍ଷ ଭଲ ବର୍ଷା ହୋଇଥିଲା । ଭଲ ଫସଲର ଆଶା ରଖିଥିଲେ ସମସ୍ତେ କିନ୍ତୁ ଏବେ ରୋଗ ପୋକ ପାଇଁ ସବୁ ଆଶା ଫସର ଫାଟି ଯାଉଛି । ଅତିଶୀଘ୍ର ରୋଗ ପୋକ ନିୟନ୍ତ୍ରଣ ପାଇଁ ବ୍ୟବସ୍ଥା ନକଲେ ଚାଷୀଙ୍କ ଭେଳା ବୁଡିଯିବ,ଏହା ନିଃସନ୍ଦେହ । ଏନେଇ ଖଡ଼ିଆଳ ବ୍ଲକ କୃଷି ଅଧିକାରୀ ସଞ୍ଜୟ ପାତ୍ରଙ୍କୁ ପଚାରିବାରୁ କିଛି ଜମିରେ ରୋଗପୋକ ଲାଗିଥିବା ସ୍ୱୀକାର କରି ଚାଷୀ ମାନଙ୍କୁ ସବସିଡିରେ ଔଷଧ ଯୋଗାଇ ଦିଆଯାଉଥିବା ସୂଚନା ଦେଇଥିଲେ ।